Мұнайлы ауданында 12 көппәтерлі тұрғын үйдің құрылысы жүргізілуде
24 Наурыз, 2017 11:14
Мұнайлы ауданында 24 пәтерлік төрт қабатты 20 үй салынады, деп хабарлады Маңғыстау облысы әкімінің баспасөз қызметі.
Алғашқы 12 үйдің құрылысын шілде айының соңына дейін аяқтау жоспарланып отыр. Әр нысанда 10-20 шақты қызметкер жұмыс жасайды, олардың көбісі аудан тұрғындары.
«Барлығы 7 мердігер мекеме қызмет етеді. Бүгінгі таңда тұрғын үй алу кезегінде 2517 адам тұр. Бұл үйлердің аяқталысымен, 288 тұрғын үй баспанамен қамтамасыз етіледі», - делінген хабарламада.
Қалған 8 үйдің құрылысына тиісті қаражат бөлініп, қазіргі уақытта тендер өткізілуде. Ол үйлердің құрылысын келесі жылдың ортасында аяқтауды жоспарлап отырмыз. Оған коммуникация жүргізу үшін 1 млрд. 233 млн. теңге көлемінде қаражат қажет. Жобасы дайын тұр.
