• Басты
  • Қазақстан мен Өзбекстан Сенаттары Ынтымақтастық туралы меморандумға қол қойды (ФОТО)
23 Наурыз, 2017 18:06

Қазақстан мен Өзбекстан Сенаттары Ынтымақтастық туралы меморандумға қол қойды (ФОТО)

Қазақстан Республикасы Парламенті Сенатының Төрағасы Қасым-Жомарт Тоқаев Өзбекстан Президенті Шавкат Мирзиёевтің мемлекеттік сапары аясында Астанаға келген Өзбекстан Олий Мажлисі Сенаты Төрағасының бірінші орынбасары Содик Сафоевпен кездесті.

Қазақстан мен Өзбекстан Сенаттары Ынтымақтастық туралы меморандумға қол қойды (ФОТО) | Strategy2050.kz

Қ.Тоқаевтың пікірінше, президенттер Н.Назарбаев пен Ш.Мирзиёевтің Ақордадағы келіссөздерінің нәтижесі сапардың тарихи маңызын дәлелдеді.

«Қазақстан мен Өзбекстан қатынастарының парламентаралық өлшемі тамаша серпін алатын болды. Екі елдің парламенттері сапар барысында қол жеткен уағдаластықтарды тиімді іске асыру, оның ішінде уақытылы әрі тиісті заңнамалық қолдауды қамтамасыз ету үшін бар күшін салатын болады. Одан басқа, екі елдің сенаттары арасындағы ынтымақтастық Қазақстан мен Өзбекстан аймақтары арасындағы байланыстарды нығайтуға ықпал ететін болады», - деді әңгіме барысында Қ.Тоқаев.

 Кездесу аясында Қазақстан Республикасы Парламентінің Сенаты мен Өзбекстан Республикасы Олий Мажлисі Сенаты арасындағы Ынтымақтастық туралы меморандумға қол қойылды.

 Парламентаралық үнқатысуды тереңдетуге бағытталған бұл құжат Парламенттердегі жоғарғы палаталардың тарапынан екі елдің саяси, сауда-экономикалық, инвестициялық және мәдени-гуманитарлық байланыстарын қолдауды көздейді.

Екі мемлекеттің Сенаттары өз құзіреттері аясында екіжақты ынтымақтастықтың келісім-құқықтық базасын кеңейтуге ықпал етеді.

Құжатта «Тараптар жаһандық сын-қатерлермен және қауіптермен тиімді күрес жүргізуді қамтамасыз ететін құқықтық кеңістік құру саласында өзара іс-қимыл жасайды», - деп атап өтілген.

Меморандум сапарлар алмасу, парламенттік шараларға қатысу, халықаралық парламенттік ұйымдарда өзара қолдау көрсету мен ұстанымдарды келісу сипатында жүзеге асады.
 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды