Н.Нығматулин: Қолжетімділік пен жариялылықтың көлеңкесінде қалып қоймау керек

Жалғаспалы түзетілетін құжат түрлі жастардағы балаларға олардың психофизиологялық ерекшеліктерін ескере отырып ақпараттық өнім (баспа, аудио-видеоөнім, БАҚ және т.б.) мазмұнына  қойылар арнайы талапты бекітуді қарастырады.

Осы заң жобасының маңызын айта келіп, Мәжіліс төрағасы тиісті министрліктер мен ведомстволар тарапынан кешенді іс-шаралардың қажеттілігін алға тартты. Н.Нығматулин әсіресе балалардың денсаулығы мен дамуына зиянын тигізетін ақпараттардың жариялануына жағдай жасамау керектігіне баса мән берді.

«Біз қашанда қолжетімділік пен жариялылықты қолдаймыз, алайда осы жолда біз дамыған елдер әлдеқашан заңмен қудалайтын қажет емес дүниелерге ұрынып қалмауымызды ойлауымыз керек», - деді Төраға.

Екінші оқылымға дейін заң жобасы тағы да жетілдірілетін болады.