Астанада 2014 жылы газбен жүретін 350 автобус сатып алынады

«Кестеге сәйкес, 200 автобус Астанаға елорда күні мерекесіне және 150 автобус 2014 жылғы 1 желтоқсанға дейін жеткізіледі», - делінген хабарламада.

«Экономикалық тиімділік пен экологиялық қауіпсіздікті сақтау мақсатында, сондай-ақ, «ЭКСПО-2017» көрмесіне дайындықты қамтамасыз ету үшін автобустар газ қондырғысымен жабдықталады. Осыған байланысты, қалада жаңа газ электр станциясы және бірқатар жанар-жағармай құю станциясы салынады. Автобустарды орналастыратын жаңа парк керек, оның орны белгіленді, құрылысы таяу арада басталады», - деді astana.kz сайтына Жолаушылар көлігі және автомобиль жолдары басқармасының басшысы Рашид Аманжолов қалалық мәслихаттың кезекті сессиясында.

Айта кетейік, ұзындығы 12 м автобустардың 80% 110 орынға шақталған. Ал 20% 150 орындық болады.