• Басты
  • ҰЭМ: 2017 жылы экономика өсімі 2%-дан артуы күтіледі
16 Наурыз, 2017 18:21

ҰЭМ: 2017 жылы экономика өсімі 2%-дан артуы күтіледі

Ұлттық экономика министрі Алматыда Summit CFO IDEA EXCHANGE & NETWORKING EVENT қаржылық блокының топ-менеджерлер саммитінің жұмысына қатысты. Өз сөзінде министр Қазақстанның экономикалық даму аспектілерін айтып кетті.
ҰЭМ: 2017 жылы экономика өсімі 2%-дан артуы күтіледі

«Көптеген елдер протекционистік әкімшілік шаралар арқылы  экономикалық саясаттың басымдықтарын қайта қарауда және ішкі нарықты қорғауға тырысады, аталған бұл шаралар тек бағалардың өсуін тоқтатады, одан әрі шеттетуге жағдай жасайды» деп белгіледі Сүлейменов.

«Қазақстан керісінше экономикалық өсімді ынталандыру үшін ашық диалогты және либералдық тәсілдемені таңдайды. Біздің макросаясаттың негізгі екпіні салауатты бәсекелестік, инвестициялық ахуалды жақсарту, сондай-ақ экономика салаларының терең технологиялық жаңғыртуды дамытуға негізделген жаңа өсу моделіне көшуді көздеу» - деді министр.

Ол жаңа өсу моделінің негізі Қазақстанның Үшінші жаңғыруын іске асыру болатынын белгіледі, деп хабарлады ведомствоның баспасөз қызметі.

«Өткен жылы біздің өсу драйвері ішкі және сыртқы инвестициялар болды. Неғұрлым тұрақты және әртараптандырылған өсу үшін, бізге экспорттың жеткізілімнің сандық және сапалық өсуі қажет. Осыған байланысты біз Қазақстанның бірыңғай экспорттық стратегиясы дайындалатын болады» - деді Сүлейменов.

Ол сондай-ақ, салық заңнамасы жаңа экономикалық шындықтарға өтуді ынтыландыруға, Жаңа экономика секторларын қолдауға, жер қойнауын пайдалануға жаңа инвестициялар тартуға, салықтық жеңілдіктерді оңтайландыруға, салықтық әкімшілендіруді одан әрі оңайлатуға тартуға бағытталатынын белгілеп өтті.

 «Экономикада ШОБ үлесін арттыру мақсатында  БЖК-2020 бағдарламасы шеңберінде кәсіпкерлікті қаржылық қолдау жалғасатын болады. Мұнда бюджеттік қаражаттардан басқа халықаралық қаржылық ұйымдардың кредиттік желілері тартылатынын атап кету керек» - деп ақпараттандырды Сүлейменов.

Министр сонымен қатар, 2016 жылы Қазақстан экономикасының өсімі 1% құрағанын еске салды.

«2017 жылы біздің болжам бойынша экономика секторларының өсу қарқынын бірқалыпты қалпына келтіру жылы болады. Оған себепші сыртқы жағдайлардың тұрақтануы және тұтынушылық белсенділіктің жандануы. Біздің базалық болжамымызға сәйкес сыртқы ойламаған шоктардың болмауы жағдайында 2017 жылы экономика өсімі 2%-дан артуын күтеміз» - деп қорытындылады Сүлейменов.

Сөз сөйлеуінен кейін министр «Жаңа жаһандық қайта іске қосу. Қазақстан үшін тәуекелдер мен мүмкіндіктер» панельдік пікірталасына қатысты.

Summit CFO IDEA EXCHANGE & NETWORKING EVENT қаржылық блокының топ-менеджерлердің жыл сайынғы саммиті Алматыда өтуде. Іс-шарада дәстүр бойынша Қазақстанның қаржылық жүйесін дамыту перспективалары, соңғы трендтер мен инновациялар талқыланады. Іс-шараға «СК «Сентрас Иншуранс» АҚ басқарма төрағасы, «Тәуекелдерді бағалау тобының» директоры Досым Сатпаев, «Халық банк» БАД Үміт Шаяхметова,  "Visor Holding" БАД Айдан Кәрібжанов, BI Group басқарма төрағасы Амангелді Омаров және басқалары қатысуда. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды