Жоғарғы білім берудің елдік жүйесі ЖОО-лардың дербестігін кеңейтеді - БҒМ

15 Наурыз, 2017 16:26

2015 жылы Қазақстан Республикасы ЭЫДҰ-мен ынтымақтастық туралы Елдік бағдарламаны жүзеге асырды. Бағдарлама аясында Қазақстандағы жоғарғы білім беру жүйесінің шолуы жасалды. Бұл туралы БҒМ жоғарғы және ЖОО-дан кейін білім беру департаменті директорының орынбасары Светлана Исмагулова Еуразия Ұлттық университетінде өткен жоғарғы білім беру жүйесін таныстыру барысында айтты.

Жоғарғы білім берудің елдік шолуы қазақстандық ЖОО-лар үшін алғаш рет ұйымдастырылып отырған жоқ, 2007 жылы елде біріншісі жарияланған болатын. Елдік бейнені ең алдымен сапа мен теңдік, жоғарғы білімнің қаржыландырылуы құрайды.

«Бейнені Аустралия, АҚШ, Канада,Франция және өзге елдер жүргізді. Жалпы, 7 адам 21 ЖОО-ны аралады. Оның ішінде мемлекеттік және жеке меншік оқу орындары бар. Зерттеу 6 негізгі блок бойынша өткізілді: қолжетімділік, сапа, басқару, қаржыландыру, білім берудің интернационализмі мен ықпалдасуы, ғылым және инновация», - деді Светлана Исмагулова.

Ұсынымдар ЖОО-лардың дербестігін кеңейтіп, жауапкершілігін арттыруға бағытталды.

Осының аясында, ЖОО-лар жеке меншік білім беру бағдарламаларын әзірлеуі керек, ол еңбек нарығының қажеттілігіне жауап беруі керек.

Ақбота Күзекбай