Голландиялық студенттер Қазақстанның туристік әлеуетімен танысты
15 Наурыз, 2017 15:57
Бреда қаласындағы қолөнер Университетінде Қазақстан елшілігінің бастамасымен «Қазақстандағы туризм» тақырыбында студенттердің жыл сайынғы III байқауы өтті.
Сыртқы істер министрлігінің мәліметінше, байқауға туризм және қонақ үй бизнесі факультетінің 100-ге жуық студенті қатысты.
Шараның мақсаты Қазақстанның туристік әлеуетін голландиялық туроператорлар арасында ашу. Байқау аясында Қазақстан туралы материалдар қаралды, елдің туристік әлеуеті бойынша танысытырылым өтіп, қазақстандық туристік нарықтың әлеуеті алға тартылды.
Байқаудың жеңімпазы «Қазақстандағы Экотуризм» тақырыбымен жоба таныстырған болатын.
«Жобада елдің басты мәдени жерлері, Ұлы даланың көркем табиғаты мен тау-қыраттары бейнеленген», - деп хабарлады СІМ.
