Чехия ЭКСПО-2017 көрмесіне белсенді дайындық үстінде
Чехияның өнеркәсіп және сауда министрінің орынбасары Владимир Бэртл өз сөзінде Чехияның Қазақстан астанасында өтетін іс-шараға қатысуының маңыздылығын атап өтті, оның нәтижелері «жасыл» технологияларды жылдам енгізуге, қоршаған ортаны және жаһандық климатты тиімді қорғауға, адамдардың және болашақ ұрпақтың өмір сүру сапасын арттыруға, сондай-ақ жаңартылатын және ресурс үнемдеу энергетикасын дамыту саласындағы халықаралық ынтымақтастықты кеңейтуге ықпал ететін болады.
Қазақстан елшісі Сержан Әбдікәрімов елдің ЭКСПО-2017 көрмесіне белсенді дайындығына толық тоқталып, биылғы жылдан бастап чехиялық азаматтар үшін визасыз режимнің енгізілуіне байланысты, Чехияның қалың жұртшылығы мен іскерлік топтарын көрмеге және Қазақстанның басқа да тартымды туристік жерлерін көруге шақырды.
Чехияның ЭКСПО бойынша комиссары Ян Крс және «Артео» компаниясының директоры Богумил Бохняк чехиялық павильонның инновациялық-мазмұндық толтырылуының ағымдағы процесі, көптеген ұйымдастырушылық-техникалық мәселелерді шешу туралы айтып, слайдтар көрсетті және жергілікті журналистердің сұрақтарына жауап берді.
