Жаңа ҚК жобасы бойынша Қазақстанда жәбірленушіге келген зиянның орнын толтыру қоры құрылмақ
«Қылмыс жасап кінәлі деп танылған адамның арнайы міндетті төлем есебінен құрылатын жәбірленушіге келген зиянды өтейтін және қылмыстық жолмен табылған мүліктен тәркіленген мүлік есебінен іске асырылатын қор құрылады», - деді И.Меркель.
Оның айтуынша, мұндай қорлардың жұмыс тәжірибесі дамыған елдерде көрсеткендей, жинақталған қаражат әдетте барлық жәбірленушіге жетпейді.
«Сол себепті біз жобада бұл қор туралы норма бекіттік. Бірінші кезекте қараушысынан айырылған азаматтардың шығынын өтеуге баса мән беретін боламыз. Екіншіден, жыныстық жолмен зардап шеккен жандарға көмек берілмек. Одан кейінгілерін жағдайға қарай көре жатамыз», - деп түсіндірді орынбасар.
Бұдан бөлек, ҚР Бас прокуроры бірпінші орынбасарының айтуынша, кодекске «іздестірудің ақылға сыйымды мерзімі» атты жаңа термин қосылған.
