БҰҰ елдері тұрақты даму мақсаттарына қорғаныс бюджетінен 1%-ын бөлмек

Министрдің айтуынша, әлемнің ашаршылыққа ұшыраған халқына көмек көрсету үшін дүниежүзінен 22 млрд доллар жинау қажет. 

«Осы бастаманы іске асыру үшін бірқатар халықаралық құрылымдар көңіл бөліп, практикалық көмек көрсетті. Мысалы, Халықаралық бейбітшілік бюросы құрылымы бар, бұдан бөлек, Швецияда орналасқан, беделді құрылым - Стокгольм әлем проблемаларын зерттеу институты (СӘПЗИ - SIPRI) бар, ол біздің тапсырысымыз бойынша Мемлекет басшысының осы бастамасын іске асыру перспективалары туралы баяндама әзірледі, ол бойынша БҰҰ-ға мүше әрбір мемлекет тұрақты даму мақсаттарына өзінің қорғаныс бюджетінен 1%-ын бөлуі тиіс», - деді Қ. Әбдірахманов.

Ол әлемнің ашаршылыққа ұшыраған халқына көмек көрсету үшін дүниежүзінен 22 млрд доллар қажет екенін атап өтті.

«Біз 2016 жылғы желтоқсанда сыртқы істер министрінің орынбасары деңгейінде БҰҰ жанындағы басқа ұйымдармен бірлесіп, БҰҰ қабырғасында SIPRI осы баяндамамен таныстыруды ұйымдастырдық. Биылғы жылдың қаңтарында Мемлекет басшысының бастамасымен ол БҰҰ-ның барлық мүшелеріне таныстырылды. Осы жоспарда әскери шығыстарды бүгінде қаншалықты ұлғайту керектігін түсіну қажет. Бюджеті  800 млрд долларды, 150 млрд долларды, 50 – 30 млрд долларды құрайтын елдер үшін тұрақты даму мақсаттарына 1% бөлу үлкен сұрақ туғызатынын түсіну қажет», - деп атап өтті Қ. Әбдірахманов.

Қайрат Жандыбаев