22-23 наурызда Қазақстанға Өзбекстан Президенті келеді
13 Наурыз, 2017 12:06
Өзбекстан Президенті Шавкат Мирзиёев Қазақстанға 22-23 наурызда келеді. Бұл туралы ҚР сыртқы iстер министрi Қайрат Әбдірахманов «Қазақстан Республикасының БҰҰ Қауiпсiздiк кеңесiне 2017-2018 жж. мүшелiгiнiң басымдықтары» деген тақырыпта өтіп жатқан Мәжiлiстегi Үкiмет сағатында айтты.
«Өзбекстан Президентінің 22-23 наурыздағы Қазақстанға сапарынан кейін Астанаға Орталық Азия елдерінің бірқатар басшылары сапарлап келеді. Бұл Орталық Азияның трансұлттық мәселе алдындағы бірлігін көрсетеді», - деді Қ.Әбдірахманов.
Айта кетейік, өзінің алғашқы ресми сапарын Өзбекстан Президенті Қазақстаннан бастайды.
Кайрат Жандыбаев
