Астанада «Қазақ сөздігі» атты қазақ тілінің бір томдық түсіндірме сөздігі таныстырылды

18 Желтоқсан, 2013 12:33

Бүгін, 18 желтоқсанда Астанада «Қазақ сөздігі» қазақ тілінің үлкен біртомдық түсіндірме сөздігінің таныстырылымы өтті, деп хабарлайды ҚР Мәдениет және ақпарат министрлігінің баспасөз қызметі.

«Қазақ сөздігі» қазақ тілінің үлкен біртомдық түсіндірме сөздігі жаңа сөздермен және бейтаныс сөздермен толықтырылған. Сөздік халықтың тілдік мәдениетін арттыруға, тіл білімін жетілдіруге, мемлекеттік тілді игеруге көп көмегін береді», - делінген хабарламада.

«Қазақ сөздігінде» 106 мың сөз бен 48 мың сөз тіркесі қамтылған.

Айта кету керек, «Өзбек тілінің түсіндірме сөздігі» 80 мың сөз бен сөз тіркесін қамтиды. Ал қырғыздың сөздігінде 50 мың сөз бен сөз тіркесі болса, «Түрік тілінің түсіндірме сөздігінде» 92 мың сөз бен 122 мың сөз тіркесі бар.

Естеріңізге сала кетейік, сөздіктің таныстырылымы 2011-2020 жылдарға арналған тілді дамыту мен қызмет ету мемлекеттік бағдарламасы аясында өтіп отыр.

Шараға Мәдениет және ақпарат министрі Мұхтар Құл-Мұхаммед те қатысты.

Таныстырылым аясында түркі тілдерінің түсіндірме сөздіктерінің көрмесі өтті.