Кения ЭКСПО-2017 көрмесіне қатысу шартына қол қойды

11 Наурыз, 2017 15:46

ҚР Сыртқы істер министрлігінде Кенияның Сауда министрлігінің Бас хатшысы - Кенияның "ЭКСПО-2017" көрмесіндегі ұлттық секциясының комиссары Кристофер Киптоомен кездесу өтті, деп хабарлады "Астана ЭКСПО-2017" ҰК" АҚ баспасөз қызметі.

Кездесу барысында тараптар Кенияның астана көрмесіне қатысуы, ұлттық күнін өткізу және павильонды контенттік толтыру мәселелерін талқылады. Кездесу қорытындылары бойынша Кенияның "ЭКСПО-2017" көрмесіне қатысуы туралы шартқа қол қойылды.

«ЭКСПО-2017 тұғырнамасы екіжақты қатынастардың дамуына және елдер арасындағы тауар айналымын ұлғайтуға серпін береді», - деп атап өтілді ұлттық компанияда.

Кениялық комиссар Қазақстан мен Кенияның сауда-өнеркәсіптік палаталары арасындағы ынтымақтастық туралы меморандумға қол қою ерекше маңызды екенін атап өтті.

К. Киптоо мәлімдегендей, көрмеде Кения елдің баламалы энергия көздері, атап айтқанда, күн энергетикасын пайдалану саласындағы жетістіктерін ұсынуға ниетті. 2017 жылы елде 81 гектар шөлді жерлерді қамтитын, қуаттылығы 50 МВт күн фотоэлектрлік электр станцияларын іске қосу жоспарланған.

Барлық жаңалықтар