• Басты
  • Сенаторлар отандық білім беру мәселелерін зерделеді
10 Наурыз, 2017 16:38

Сенаторлар отандық білім беру мәселелерін зерделеді

Әлеуметтік-мәдени даму және ғылым комитетінің төрағасы Бірғаным Әйтімова бастаған Сенат депутаттары Вячеслав орта мектебі және «Арнасай» жасыл технология орталығының жұмысымен танысты, деп хабарлады палата.
Сенаторлар отандық білім беру мәселелерін зерделеді

Мемлекеттік органдардың, «Жасыл экономикаға және G-globalды дамытуға арналған коалиция» заңды тұлғалар бірлестігі басшылығымен және «Арнасай» жасыл технологиялар орталығы қызметкерлерімен кездесуде Б.Әйтімова Қазақстан Республикасының Президенті Н.Назарбаев жария еткен «5 институттық реформаны іске асыру жөніндегі 100 нақты қадам» Ұлт жоспарын орындау жөніндегі Парламенттің қызметі туралы әңгімеледі.

Сенат комитетінің басшысы Мемлекет басшысының «Қазақстанның үшінші жаңғыруы: жаһандық бәсекеге қабілеттілік» Жолдауының басымдықтарын заңнамалық тұрғыда қамтамасыз етуге назар аударды. Сенаторлар жаңа технологиялар қолданылатын Орталықтың қызметімен танысты, даму келешегі белгіленді. Комитет төрағасы Б.Әйтімова бұл кешен Қазақстан Президентінің Жолдауындағы төртінші басымдығы – адам капиталы тұрғысында да, «ЭСКПО-2017» көрмесінің мақсаттарын іске асыру тұрығысынан да тартымды екенін атап өтті.

Бүгінде мемлекеттік органдардың, «G-global» халықаралық хатшылығының, БҰҰ Қазақстандағы Даму бағдарламасының және басқалардың қолдауымен құрылған жасыл экономикаға көшу жөніндегі тұжырымдаманы іске асыруға байланысты 25 жоба жүзеге асты. Елдегі түрлі санаттағы тұрғындарды оқытуға, шағын және орта бизнес субъектілерінің, сондай-ақ жергілікті атқарушы органдардың «жасыл» технологияны іс жүзінде пайдалану жөнінде жүйелі білім алуға мүмкіндік туып отыр. Одан басқа, Орталық жоспары бойынша бұл жобалар «EXPO-camp» орталығының жазғы лагері жұмысының аясында «ЭКСПО-2017» халықаралық көрмесі меймандарының назарына ұсынылады.

Вячеслав орта мектебінің директоры Татьяна Немцан парламентшілерді мектеп жұмысымен таныстырды және бұл оқу орнында бюджет қаржысын елеулі түрде үнемдеуге мүмкіндік беретін жасыл технологияларды енгізудегі негізгі көрсеткіштер туралы әңгімелеп, қазіргі өзекті мәселелерді айтып берді. Кездесу барысында отандық білім берудің қазіргі жағдайы, өзекті мәселелері мен келешектегі дамуы туралы мүдделілік тұрғысында талқылау болды. Комитет төрағасы Б. Әйтімова жүздесуді қорытындылай келіп, оқу орнындағы жаңалықтармен сенаторлардың танысуымен қатар тұтастай саланың жағдайынан хабардар болғанын атап өтті. Айтылған ұсыныстар біздің еліміздегі білім беру және ғылым саласындағы заңнаманы қалыптастыру барысында ескерілетіні айтылды. Шараға Әлеуметтік-мәдени даму және ғылым комитетінің мүшелері Ақан Бижанов, Әли Бектаев, Нұрлан Қылышбаев және Төлеубек Мұқашев қатысты. Бұл сапар Қазақстан Президентінің Жолдауын іске асыру және «Орта білім беру жүйесін заңнамалық реттеудің жағдайы, проблемалары және келешегі» тақырыбына арналған парламенттік тыңдауға әзірлік аясында жүзеге асты.

 

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды