Ақмола облысында жаңа ультразаманауи білім беру орталығы ашылды

«Ustudy» өңірлік тестілеу орталығы – бұл «Ustudy» білім беру бренді және Ұлттық тестілеу орталығы іске асырып жатқан жоба. Осыған дейін мұндай орталықтар Қазақстанның батыс, шығыс және оңтүстік өңірлерінде, Қарағанды қаласында ашылған болатын. 

Көкшетау қаласының Тестілеу орталығы техникалық қамту жағынан да, дизайн мен безендіру жағынан да барлық шешімдерді жинады. Бұл жерде оқушылардың тестілеуден өту процесіне басқа көзқараспен қарауына барлық жағдайлар жасалды. Орталық бір мың шаршы метрдей аумақты алады, 150 қондырмалы орындар  жаңа техникалық жабдықтармен жабдықталған. Орталықтың ішкі дизайнымен Қазақстанның алдыңғы қатарлы дизайнерлері айналысты.

Өңірлік тестілеу орталығының салтанатты ашылуына Ақмола облысының білім басқармасының өкілдері, қала мектептерінің директорлары мен педагогтері шақырылды. «U-Future» ЖШС тестілеу басқармасының басшысы Алжанбек Қайырбеков Орталық аудиториялары бойынша шағын экскурсия жасады. Ол педагогтерді «Ustudy» өңірлік тестілеу орталығының қызметімен таныстырып, педагогтердің сұрақтарына жауап берді.

«Өңірлік тестілеу орталығының ашылуы өңір педагогтерінің жұмысына көмектеседі,  Ақмола облысында ғана емес, жалпы Қазақстан бойынша білім беру сапасын жақсартуға ықпал етеді» - деді Ақмола облысы білім басқармасының басшысы Балым Ізбасарова.

Жыл бойы Өңірлік орталықта оқушылар сынақ тестілерінен өтеді, мемлекеттік бағдарлама бойынша алған білімдері жөнінде есеп ала алады. Бұдан бөлек, Қазақстанның үздік оқытушыларының бейнесабақтары базасына қол жеткізе алатын болады.