Ресей Ембі полигонындағы жер учаскелерін Қазақстанға бермек

10 Наурыз, 2017 12:53

Сенат комитетінде Ембі полигонын пайдалану және жалға беру шарттары туралы Қазақстан мен Ресей арасындағы келісімнің қолданысын тоқтату жөніндегі заң жобасы қаралды, деп хабарлады Парламенттің жоғарғы палатасы.

Халықаралық қатынастар, қорғаныс және қауіпсіздік комитетінің кеңейтілген отырысында «1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын (5580 сынақ жұмыстарын қамтамасыз ету базасы) пайдалану және жалға беру шарттары туралы келісімнің және 1996 жылғы 18 қазандағы Қазақстан Республикасының Үкіметі мен Ресей Федерациясы Үкіметінің арасындағы Ембі сынақ полигонын (5580 сынақ жұмыстарын қамтамасыз ету базасы) жалдау туралы шарттың қолданысын тоқтату жөніндегі шаралар туралы Қазақстан Республикасы мен Ресей Федерациясы арасындағы хаттаманы ратификациялау туралы» заң жобасы қаралды.

Хаттаманың мақсаты Қазақстанмен бұрын бекітілген Полигонды пайдалану және жалға беру шарттары туралы келісімнің және Сынақ полигонын жалдау шартының 2017 жылғы 1 қаңтардан қолданысын тоқтату болып табылады.

Хаттама аясында Ресей Федерациясының Ембі полигонындағы жер учаскелерін, жылжымалы және жылжымайтын мүліктердің амортизациясын ескере отырып, одан әрі пайдалануға жарамды жағдайда Қазақстан Республикасына беруі қарастырылған.

Заң жобасы Палатаның қарауына жіберілді.

Барлық жаңалықтар