Көкшетауда бала асырап алу орталығынан 14 бала көмек алды

9 Наурыз, 2017 20:19

Көкшетау қаласында 2016 жылғы маусымнан бастап «Ана үйі» ҚҚ «Бала асырап алуды қолдау орталығы» жұмыс істеп келеді, осы кезең ішінде олар балалар үйінің 14 тәрбиеленушісі үшін отбасын тауып берген, деп хабарлады Ақмола облысының өңірлік коммуникациялар қызметі.

«Біздің мақсатымыз – жетімдерсіз Қазақстан. Баланың толық әлеуметтік дамуының басты шарттарының бірі отбасының амандығы болып табылады. Баланың отбасында өскені біз үшін аса маңызды», - деді «Ана үйі» ҚҚ Ақмола облысы бойынша бала асырап алу орталығының қызметкері Құралай Жұмабекова.

Осы жоба аясында Ақмола облысында тұрақты түрде жұмыс істейтін Бала асырап алушы ата-аналар мектебі құрылған. Мектепте тағылымдама өткізетін жаттықтырушы-психологтар сабақ береді. Хабарламада олар жүргізіп жатқан бала асырап алушы ата-аналарға арналған тренингтік бағдарлама халықаралық тәжірибе негізінде әзірленіп, Қазақстан үшін бейімделгені жайында айтылған. Бағдарлама 12 модульден тұрады (әрқайсысы 3 сағаттан), ол ықтимал бала асырап алушы ата-аналарға ойластырылған шешім қабылдауға мүмкіндік береді, ата-аналар мен отбасын балалар үйінен бала асырап алуға дайындайды.

Сондай-ақ, бұл жерде болашақ ата-аналар медицина, құқық, педагогика және психология саласындағы базалық білімді, яғни, жетім баланың ерекшеліктері туралы білімді, баланы тиімді тәрбиелеу және оған қамқорлық көрсету тәсілдерін меңгереді. Мектептің аз ғана жұмыс істеген кезеңі ішінде 18 отбасы оқудан өтіп, олардың 11-і отбасыларына балаларды қабылдаған.

Республикамызда 2017 жылғы қаңтардан бастап отбасылық құрылыстың «Бала асырап алушы отбасы» атты тағы бір нысаны жұмыс істей бастады. Ол бойынша жетім, ата-анасының қамқорлығынсыз қалған төрт баладан он балаға дейін асырап алуға болады.

Барлық жаңалықтар