Қарулы Күштерде алғашқы рет келіссөз үдерісінің мамандарын даярлайды
Жиын Қазақстанның Қарулы Күштерінде алғашқы рет өткізілуде. Оның өзектілігі заманауи қақтығыстардың себептері мен сипатын, оларды бейбіт тәсілімен шешу жолдарын терең зерделеу, келіссөз үдерісін шеберлікпен жүргізу дағдыларын өңдеу қажеттілігінен туындап отыр. Негізгі мақсаты әскери қызметшілердің наразылық акцияларды ұйымдастырушылармен және оның қатысушыларымен келіссөздер жүргізу жөніндегі базалық дағдыларын қалыптастыру.
Сабақтарды өткізу үшін жиындарға Л.Н. Гумилев атындағы Еуразия ұлттық университеті әлеуметтік педагогика және өзін-өзі тану кафедрасының және С. Сейфуллин атындағы Қазақ агротехникалық университеті кәсіби даярлық кафедрасының мамандары шақырылды.
Олар кәсіби оқу-әдістемелік деңгейде білімдерді практикада бекіте отырып, әскери қызметшілердің теориялық даярлығын өткізді. Тренингтерде ықтимал қақтығыс жағдайлары модельденді және үйренушілер инструкторлардың жетекшілігімен оларды бейбіт келіссөздер жолымен шешуге үйренді. «Біз қақтығыс жағдайының психологиясын, келіссөз үдерісінің жалпы принциптерін, келіссөз үдерісндегі стратегияны, тактика мен ерекшеліктерін терең зерделедік. Әртүрлі адам топтарымен және адамдар топтарына әсер ету техникасымен келіссөздер жүргізу әдістері бойынша практикалық сабақтар ерекше қызығушылық тудырды. Біз ие болған дағдылар оларды бейіндік қолданумен қатар жеке құраммен практикалық қызметте де, әртүрлі қақтығыс жағдайлары туындаған кезде сындарлы диалог құру кезінде де жарайды деп ойлаймын», - деді курсқа қатысушы, 55765 әскери бөлімінің тәрбие және иделогиялық жұмыстар жөніндегі офицері лейтенант Зульфия Увалиева.
