Әскери бөлім командирлерінің МТҚ жөніндегі орынбасарлары өз біліктіліктерін арттырды
Курс Қарулы Күштерде ұрыста және күнделікті қызметте әскерлерді материалдық-техникалық қамтамасыз етуді ұйымдастыру және басқару жөнінде білімдері, біліктері мен дағдылары бар тактикалық басқару буыны материалдық-техникалық қамтамасыз ету мамандарының біліктілігін арттыру мақсатында алғашқы рет ұйымдастырылды және өткізілді.
Сабақтар барысында үйренушілер материалдық-техникалық қамтамасыз ету жөніндегі құжаттарды әзірлеу тәртібімен, жауынгерлік іс-қимылдар жағдайында және бейбіт уақытында қару-жарақ пен техниканы пайдалануды жоспарлауға және ұйымдастыруға қойылатын талаптармен, МТҚ бөлімшелерімен тактикалық-арнайы оқу-жаттығуларын дайындау және өткізу әдістемесімен танысты.
Курстың бағдарламасында әскер тектерінің әртүрлі құрамалары мен бөлімдері арасында өзара іс-қимылды, әртүрлі ұрыс түрлерінде әскерлерді жан-жақты қамтамасыз етуді, бағынысты материалдық-техникалық қамтамасыз ету қызметтері мен бөлімшелерін тиімді басқаруды ұйымдастыру жөніндегі біліктерін пысықтау негізге алынған. Қазақстандық армияны кәсіптендіру жөніндегі шешімді курс әскери қызметшілердің тұрақты кәсіби өсуін, біліктілігін арттыруды талап етеді.
ҚР Тұңғыш Президенті – Елбасы атындағы Ұлттық қорғаныс университеті оған жүктелген білім беру функцияларын да, сонымен қатар әскери кадрлар біліктілігінің деңгейін ұдайы арттыру және қайта даярлау жөніндегі міндеттерді де сәтті шешетін оқу орны болып табылады.
