Қазақстанның Ұлыбританиядағы елшісі II Елизавета Патшайымға сенім грамоталарын табыстады

Букингем  сарайында  өткен   салтанат барысында  Е.Ыдырысов  Ұлы мәртебеліге  ҚР Президенті Нұрсұлтан Назарбаевтың  атынан ізгі тілектерін жеткізіп, II Елизавета    Патшайымды тақтағы  65 жылдығымен құттықтады.

Кездесу аясында Қазақстан елшісі  екі ел арасындағы қарым-қатынастың  жоғары  деңгейін атап өтті. Саяси, сауда-экономикалық, инвестициялық, құқықтық  және мәдени-гуманитарлық салада  ынтымақтастық орнатылған.

Өз кезегінде  II Елизавета   Патшайым Қазақстан мен Ұлыбритания  арасындағы  ынтымақтастықты  нығайтудың  маңыздылығын атап өтті.