Қазақстандықтар құжаттардың дайындығы туралы SMS арқылы біле алатын болады – Азаматтарға арналған үкімет
9 Наурыз, 2017 11:42
Азаматтарға арналған үкімет мемлекеттік қызмет көрсету нәтижелері туралы ұялы телефонға SMS-хабарлама жіберу жаңа қызметін тестілік режимде іске қосты, деп хабарлады Мемлекеттік корпорация.
Атап өту керек, осы көрсетілетін қызметті Азаматтарға арналған үкімет "Ұлттық ақпараттық технологиялар" АҚ-мен бірлесіп әзірлеген.
«Енді сіз күндерді шатастырып алған кезде, ХҚКО-ға артық барудың қажеті жоқ немесе сіздің құжаттарыңыз ерте дайын болса, ол туралы SMS-хабарлама келіп отырады. Тағы бір айта кететін жайт, аталған қызмет тегін көрсетіледі. Бұл көрсетілетін қызмет үшін Азаматтарға арналған үкіметке келетін азаматтарға жеңілдік береді», – делінген Мемлекеттік корпорация хабарламасында.
Бұдан бөлек, қазақстандықтар SMS арқылы қызмет көрсетудің сапасын бағалай алатын болады.
