ҚР ИДМ-де еуразиялық логистикалық инфрақұрылымды дамыту талқыланады
9 Наурыз, 2017 08:46
Мемлекет басшысының 2017 жылы 31 қаңтардағы халыққа Жолдауы аясында жүктеген міндеттерінің орындалу барысы туралы брифинг 2017 жылы 9 наурызда сағат 15.00-де министрліктің медиа-орталығында өтеді, деп хабарлады Инвестициялар және даму министрлігінің баспасөз қызметі.
Брифингке қатысушылар жаңа еуразиялық логистикалық инфрақұрылымын дамыту және Құрық порты құрылысының екінші кезеңін жүзеге асыру барысы туралы айтып береді.
Сондай-ақ, министрлік өкілдері 2020 жылға қарай транзиттік тасымалдың жылдық көлемін арттыруды қамтамасыз ету жөніндегі шаралармен таныстырады:контейнермен тасымалданатын жүктерді 7 есеге – 2 млн. контейнерге дейін,әуе көлігімен жолаушылар тасымалдауды 4 есеге – 1,6 млн. транзиттік жолаушыға дейін.
