2017 жылы 1662 ақмолалық санаторийге жолдама алмақ
8 Наурыз, 2017 10:53
2017 жылы облыстық бюджет есебінен санаторий-курорттық емделуге 1662 адам жіберіледі, деп хабарлады өңірлік коммуникациялар қызметі.
2017 жылы облыстық бюджет есебінен санаторий-курорттық емделуге 1662 адам, соның ішінде 27 мүгедек бала жіберілетін болады, бұл өткен жылмен салыстырғанда 565 адамға артық.
Өткен 2016 жылы облыстық бюджет есебінен санаторий-курорттық емделуге 1097 мүгедек, соның ішінде 20 мүгедек бала жіберілген болатын. Санаторий-курорттық емделумен қамтамасыз етуді жеке оңалту бағдарламасына сәйкес мүгедектер мен мүгедек балаларға санаторий-курорттық емделуге жолдама беру арқылы жергілікті атқарушы органдар жүзеге асырады.
Бұдан бөлек, жергілікті бюджет қаражаты есебінен санаторий-курорттық емделуге 479 адам жіберілген, олардың арасында ҰОС ардагерлері, тыл еңбеккерлері, еңбек ардагерлері, жауынгер-интернационалистер де бар.
