Құрманғазы атындағы оркестр ЭКСПО-2017 алаңында өнер көрсетпек

«Ұлы дала дауысы» қазақстандық фольклорлық орындаушылардың концерттері ЭКСПО-2017 көрмесіне келушілерді Қазақстанның музыкалық дәстүрлерімен таныстырады.      

Құрманғазы атындағы академиялық оркестр 2017 жылғы 21, 22, 23 шілдеде үш күн бойы классикалық музыка әуесқойларын қуантады. Бұдан бөлек, "Отырар сазы" Н. Тілендиев атындағы фольклорлық-этнографиялық оркестр ұжымы 2017 жылғы 6-9 қыркүйекте концерт бермек. 

Еске сала кетейік, халықаралық көрме алаңында үш мыңнан астам мәдени-ойын-сауық іс-шарасы өтеді. Онда 5 миллион келуші болады деп күтілуде.