ҚР Қарулы күштері Спартакиадасының қысқы маусымы аяқталды (ФОТО)

ҚР Қорғаныс министрлігінің ақпараты бойынша, 10 күн ішінде қазақстандық әскердің 600-ден астам әскери қызметшісі спорттың бес түрінен медаль үшін сынға түсті.

Спорттың бес түрінен чемпионат қорытындылары бойынша жалпы командалық есепте бірінші орынды - Десанттық-шабуылдау тобы, екінші орынды – 14776 әскери бөлімі, үшінші орынды «Шығыс» өңірлік қолбасшылығы жеңіп алды.

Сайыстың соңғы күні шаңғы спортынан жарыс аясында патрульдердің командалық жарысы өтті. Ведомствода атап өтілгендей, бұл Қарулы күштер Спартакиадасының қысқы кезеңінің ең көріністік жарыстарының бірі.

Нәтижесінде, Спартакиада аясында «Шығыс» өңірлік қолбасшылығының әскери қызметшілері шаңғы спортынан чемпионат жеңімпаздары атанса, екінші орынды – «Астана» өңірлік қолбасшылығының командасы, үшінші орынды Десанттық-шабуылдау әскерлері иеленді.