Алматының екі ауданында жедел медициналық көмек станциясы салынады

Мәслихат депутаттары  5,9 млрд теңгені  Алматыны  2020 жылға дейін дамыту бағдарламасының маңызды  бөлігі – денсаулық сақтау саласына  бағыттап отыр.

Түркісіб және Наурызбай аудандарында жедел медициналық көмек пен консультативтік-диагоностикалық  педиатрия орталығының   2 станциясы салынады. Бұл мақсатқа  2,7 млрд теңге бөлу қарастырылған.

«Деннсаулық сақтау саласына  -5,9 млрд теңге: 2,8 млрд теңге  376 медицина қондырғысының бірлігін сатып алу, міндетті әлеуметтік медициналық сақтандыруға қосымша  811,2 млн теңге – медициналық ұйымдарға  3 мың компьютер сатып алу үшін, 963 млн теңге – жедел жәрдем көлігінің  32 автокөлігін алу қарастырылған. 1 млрд теңге 122 науқасқа әр түрлі дәрі-дәрмек сатып алуға бөлінді», - деді  Алматы қаласының  бюджеттік жоспарлау және экономика басқармасының  жетекшісі Мақсат Кикимов.

Айта кетейік, әлеуметтік аз қамтылған халық тармағы да қаржыландырылады. Оларға  1,4 млрд теге бөлінеді. Оның  20 млн теңгесі  I топтағы мүмкіндігі шектеулі жандарға арба сатып алу үшін бөлінеді,  500 млн теңгесі  2,5 мың алушыға сурдо-тифлотехникалық  заттарды  алуға бағыттылады.