Қазақстан БҰҰ-дан лайықты орнын алып отыр – сарапшы

6 Наурыз, 2017 20:12

Қазақстан Республикасы БҰҰ-ның мүшесі болғанына 25 жыл болды, бұл өте үлкен жетістік. Қазақстан БҰҰ-дан лайықты орнын алып отыр. Бұл туралы БҰҰ саяси мәселелер жөніндегі бас хатшысының көмекшісі Мирослав Енча Мемлекетік басқару академиясында өткен дәрісте мәлемдеді.

«Қазақстан БҰҰ енгеніне 25 жыл толды. Біз өткенге көз тастап тарихты талқылай аламыз. Бұл өте белсенді ынтымақтастықтың мысалы. Бұл алдымен ядролық қарусыз әлем, Семей полигонының жабылуы», - деді М.Енча.

Ол айтып өткендей, БҰҰ аясында гендерлік теңсіздік басымдылыққа ие.

«БҰҰ Бас хатшысы Антониу Гутерреш гендерлік теңсіздіктің басты басымдылығын айтты, біз БҰҰ-да әйелдерді көргіміз келеді, оның ішінде Қазақстан әйелдерін», - деді м.Енча.

Сарапшы алдағы «ЭКСПО-2017» мамандандырылған халықаралық көрмесі туралы да айтып өтті.

«ЭКСПО-2017 – Қазақстанды бар әлем танитындай ететін үлкен жетістік әрі мүмкіндік. Бұл көптеген елмен ынтымақтастық орнатуға түрткі болды», - деді ол.

БҰҰ Бас хатшысының көмекшісі биылғы жылдың 1 қаңтарынан бастап Қазақстан БҰҰ ҚК тұрақты емес өкілі екенін еске салды.

«Бұл үлкен жетістік, Қазақстанның халықаралық қарым-қатынастағы бастамаларын ескерсек, өте орынды. Қазақстан БҰҰ елдерін мойындатты, себебі халықаралық ұйымға мүше болу үшін тек қана өңірлік топтың емес, БҰҰ елдерінің қолдауы керек. Қазақстан ол қолдауды алды», - деді М.Енча.

Сондай-ақ, ол Қазақстан биыл ШЫҰ-да төрағалық ететінін айтты.

«Астанада маусым айының басында Шанхай ынтымақтастық ұйымының саммиті өтед. БҰҰ мен ШЫҰ жұмысы лаңкестіпен күрес және бейбітшілік орнату саласында жүргізіледі», - деді ол.

Қайрат Жандыбаев

Барлық жаңалықтар