Президент Негізгі заңға түзетулер енгізу туралы заңды Конституциялық Кеңеске жолдады
6 Наурыз, 2017 13:32
Мемлекет басшысына қол қою үшін ұсынылған «Қазақстан Республикасының Конституциясына өзгерістер мен толықтырулар енгізу туралы» заң Конституциялық Кеңеске жолданды, деп хабарлады Ақорданың баспасөз қызметі.
2017 жылғы 6 наурызда Қазақстан Республикасының Парламенті «Қазақстан Республикасының Конституциясына өзгерістер мен толықтырулар енгізу туралы» заңды қабылдап, Мемлекет басшысына қол қою үшін ұсынды.
Конституцияның 72-бабына сәйкес, Нұрсұлтан Назарбаев аталған заңды мемлекеттің қызмет қағидаттары мен басқару нысанына негізделген, Конституцияда белгіленген құндылықтарға сәйкестігі тұрғысынан қарастыру үшін Конституциялық Кеңеске өтініш білдірді.
