Қарағанды облысында мемлекеттік тапсырысты 26 мыңға дейін көтеру жоспарланған

Әкімнің пікірінше, басты мәселе жеке меншікті мектепке дейінгі мекемелердің кейде жартылай бос тұратындығында. Себебі, олар қымбат. 

«Кей елді мекенде  жеке меншікті балабақшалар толық емес.  Мониторинг жүргізіп, осы аудандардың тұрғындарының көбі бір балаға 20-30 мың теңге төлей алмайды. Көп жағдайда, ондай отбасыларда бір емес, бірнеше бала болады, сондықтан екі немесе үш бала үшін жеке меншікті балабақшаға төлеу – отбасылық бюджетке ауыр тиеді», - делінген  хабарламада.

Қазіргі кезде жеке меншікті балабақшада бір орын үшін ең төмен баға бизнес рентабельді болған жағдайда 37 мың теңгеге тең. Соның ішінде 17-сін мемлекет төлеуге дайын. Қалған соманы ата-аналар төлеуге тиіс. Салыстырып көрейік, мемлекеттік балабақшада бір айлық төлем 10 мың теңгені құрайды.
Бұл мәселені шешу үшін облыстық деңгейде біз бір адам үшін мемлекеттік тапсырысты 17 мыңнан 26-ға дейін көтеруді ұсындық, - деді қала әкімі. – Осылайша, ата-аналар жеке меншікті балабақшаларда төлеуге тиіс сома мен мемлекеттік балабақшалардағы төлемдер шамамен бірдей болады.

Бұл мәселені шешуге септігін тигізіп, 2019 жылдың басында 3-тен 6 жасқа дейінгі балаларды толық мектепке дейінгі біліммен қамтамасыз ете алады.