Павлодар облысы Ефремовка ауылында спорт кешені ашылды
18 Желтоқсан, 2013 09:38
Ефремовка ауылының спорт кешені толық жөндеуден өтті, деп Павлодар облысы әкімдігінің баспасөз қызметі хабарлады.
«Спорт кешенінде ауқымды жұмыстар өткізілді: шатыр жабыны ауыстырылды ағаш еден және су құбыры жүргізіліп, кәріз, электр желісі тартылды», - делінген хабарламада.
Спортшылардың жайлылығы үшін киім ілгіш бөлмелері де жарақтандырылды.
Сондай-ақ, волейбол және баскетбол алаңдары да бар. Спорт кешенінде спорттың 5 түрі бойынша жаттығуға болады.
