Алматыда "Болашақ" бағдарламасының түлектері үшін бос қызмет орындары жәрмеңкесі өтпек
4 Наурыз, 2017 16:04
Алматыда ағымдағы жылғы 11 наурызда "Болашақ" бағдарламасының түлектері үшін бос қызмет орындары жәрмеңкесі өтпек, деп хабарлады Халықаралық бағдарламалар орталығы.
Bolashak Job Fair 2017-де болашақ бағдарламасының түлектері әр түрлі саладағы жұмыс берушілермен танысып, олардың қызметі және бос қызмет орындары туралы таныса алады.
Іс-шара Қазақстан Республикасы Білім және ғылым министрлігінің қолдауымен "Болашақ" қауымдастығымен, Алматы Менеджмент Университетімен (AlmaU) және «Hipo Kazakhstan» ЖШС-мен бірлесіп ұйымдастырылған.
Бос қызмет орындары жәрмеңкесіне қатысу үшін жұмыс іздеуші hipo.kz сайтында өтінім қалдыруы керек. Бұл жұмыс берушілердің тізімін жедел қадағалап отыруға және алдағы бос қызмет орындары жәрмеңкесіне дайындалу үшін басты сәттер туралы білуге көмектеседі.
