Конституцияға өзгеріс енгізу халыққа елдегі процестерге тікелей әсер ету құқығын береді – Мурадов

«Талқылауға ұсынылған барлық түзетулер маңызды. Барлық пікірлерді, соның ішінде Президентіміз айтқан 26-бапқа қатысты пікірлер мен тілектерді, өтініштерді ескере отырып, кездесулердің, келіссөздердің нәтижесінде бір ай ішінде талқыға алынғандардың барлығы жұмыс тобының және жалпы қоғамымыздың үлкен жетістігі. Бұл баршамызды шоғырландырады және бүгін талқыға алынған мәселелердің барлығын болашақта қарау оңайға соғады», – деді А. Мурадов.

Сондай-ақ, депутат бүгінде Парламент алдына қойылып отырған міндеттер осы күнге дейін болғаннан да маңызды екенін атап өтті.

«Бүгінде Парламент алдына қойылып отырған міндеттер осы күнге дейін болғаннан да маңызды, Үкіметке қатысы бойынша және қалыптасуы, жауапкершілігі, заңнамалық бастамасы бойынша да Парламент рөлінің артуын білдіреді. Үкіметтің олар қабылдайтын және бекітетін бағдарламалар үшін жауапкершілігін арттыру, атап айтқанда: институционалдық реформалар, 100 қадам, басқа да барлық жобаларымыз мемлекеттің даму стратегиясына әкеледі. Бұл халыққа есеп беретін Үкіметті іс жүзінде құру және қалыптастыру», – деді спикер.

Сондай-ақ, А. Мурадов оның Конституцияны өзгерту және өкілеттіктерді қайта бөлу арқылы іске асатынын, бұл халыққа елімізде болып жатқан осы процестерге тікелей әсер ету құқығын беретінін түсіндіріп өтті.

Қайрат Жандыбаев