Қарағандыда айналма жолдың құрылысына 48 млрд теңге қажет

3 Наурыз, 2017 18:21

Қарағандыда көліктер саны жыл сайын артады. Қазіргі кезде қалада 177 мың автомобиль мен мотоцикл тіркелген. Олардың басым бөлігі азаматтардың меншігінде (154 мың), деп хабарлады облыс әкімдігінің баспасөз қызметі.

Бүгінде қазірлі көлік инфрақұрылымының жүктемесін азайту бойынша мәселе туындап отыр. Жаңа жолдар салу үшін көп қаржы керек.

«Қауіпсіздікке әсер ететін маңызды фактор транзит көліктер үшін Орталық – Оңтүстік бағытында айналма жолдың болмауы. «ҚазАвтоЖол» АҚ жалпы құны 48 млрд. теңгені құрайтын ұзындығы 49 км қаланы Солтүстік-шығыстан айналып өтуді қайта жөндеу мен салу бойынша жобалау-сметалық құжаттама әзірледі. Бұл қаланың көше-жол желісіне түсетін жүктемені азайтуға мүмкіндік береді. Бірақ қаржыландырудың болмауына байланысты жобаны іске асыру кейінге қалдырылды», - деді Қарағанды облысы әкімінің орынбасары Сәбит Оспанов Қарағанды қалалық мәслихатының сессиясында сөйлеген сөзінде.

Оның айтуынша, қала әкімдігі қаржы бөлу қажеттілігі туралы хатты Премьер-Министрге жолдады. Әкімнің орынбасары депутаттардан Үкіметке тиісті өтініш жолдауларын сұрады.

Қаладағы апаттылық жоғары болып қалуда.

Барлық жаңалықтар