Депутаттар ҚР Президенті лауазымының кандидаттарына жаңа тәртіптер енгізуді ұсынды

3 Наурыз, 2017 15:38

ҚР Конституциясына ҚР Президенті лауазымының кандидаттарының жоғарғы білім болуын енгізу қажет, деді Мәжіліс депутаты Бақтықожа Ізмұхамбетов Парламент Палаталарының бірлескен отырысында.

«Конституцияның 41 бабында Ел Президентінің лауазымына кандидаттарға қойылатын біліктілік өлшемдерінің ішінде жоғары білім жайы ескерілмегені мүлдем ақылға қонымсыз. Тіпті мемлекеттік қызметтің ең төменгі сатысы үшін де жоғарғы білім болуы қаралған. Ал елді басқаратын Президенттікке кандидат үшін бұл қаралмаған.Сондықтан Президенттікке кандидатқа қойылатын басты талаптар қатарында – міндетті түрде жоғары білімінің болуын Конституцияға енгізу қажет деген нақты ұсыныс бар», - дейді Б.Ізмұxамбетов.

Мәжіліс депутаты болашақта Президент сайлауына түсетін кандидаттарда жоғары білім болу керектігін айтып отыр.

Айта кетейік, биылғы жылдың 26 ақпанында « Қазақстан Республикасының Конституциясына өзгертулер мен толықтырулар енгізу» заңын бұқаралық талқылау аяқталды.

Қайрат Жандыбаев

Барлық жаңалықтар