А.Перуешев: Елге ынталы Үкімет пен Парламент керек

3 Наурыз, 2017 15:29

Елге экономиканың дамуы мен азаматтардың әл-ауқатын арттыру, қоғам алдында ашықтық пен есептілікті қамтамасыз етеін ынталы Үкімет пен Парламент керек, деді мемлекет қайраткері, Парламент мәжілісінің депутаты, «Ақ жол» Демократиялық партиясының төрағасы Азат Перушаев.

«Президенттік басқару формасының беріктігін нақтылай отыра, бұл реформа өзгедеріне ұқсамауының себебі Президенттің 60-қа жуық өкілеттігін билік тармағына беру қарастырылып отыр. Заманға сай қазақ мемлекетінің негізін қалаушы, Елбасы Нұрсұлтан Назарбаев біздің ата-бабаларымыздың асқақ арманын жүзге асырып, кең-байтақ жеріміздің іргесін бекітті. Ұлтымыздың басын біріктіріп, толыққанды мемлекеттік институттар, қуатты экономика құрды, халқымызға Мәңгілік ел ұлттық идеясын берді», - деп атап өтті депутат.

Ол сондай-ақ Елбасы бүгінгі таңда билік тармақтарының құзыретін кеңейтіп, олардың ел алдындағы жауапкершілігін арттырып отырғанын айтты.

«Қазақстан өз тәуелсіздігінің жаңа кезеңін теңдессіз конституциялық реформадан бастап отыр. Елбасымыз осы реформа шеңберінде алпысқа жуық өкілеттігінен бас тартып, оларды биліктің түрлі тармақтарына бекітіп беруді ұсынуда. Елбасымыздың ешқандай дау туғызбайтын билік функцияларын өз еркімен беру фактісінің өзі ерекше жағдай. Меніңше, бүгінгі әлемде бұған ұқсас мысалдар жоқ. Керісінше, билік басына келген адамдар бүкіл басқару тізгінін өз қолына жинауға ұмтылады», -дейді Азат Перуашев.

Айта кетейік, биылғы жылдың 26 ақпанында « Қазақстан Республикасының Конституциясына өзгертулер мен толықтырулар енгізу» заңын бұқаралық талқылау аяқталды.

Қайрат Жандыбаев

Барлық жаңалықтар