Қазақстанда электр энергетикасы саласында интеллектуалды энергия жүйесі құрылмақ

«Электр энергетикасы саласында интеллектуалды энергия жүйесін құру бұл смарт-жүйе. Интеллектуалды энергетика энергия жүйесінің барлық құрамдық бөліктерін тартуы тиіс. Ол бізге жаһандық сын-тегеуріндерге дайын болуға және энергияны резервтеудің энергетикалық қауіпсіздігін, транзиттік және экспорттық әлеуетті пайдалануды, ЖЭК әлеуетін пайдалануды, энергетика құрылымын оңтайландыруды, тиімділікті, үнемдеуді, инновациялық және ғылыми дамуды қамтамасыз етуге мүмкіндік береді», - деді Қ. Бозымбаев.

Сондай-ақ, ол осы жұмыстың екі кезең бойынша өтетінін айтты.

«Бірінші кезең – энергия тарататын ұйымдар санын қысқарту, электр желілерін жаңғырту, барлық деңгейлерде коммерциялық есепке алудың автоматтандырылған жүйелерін енгізу. Екінші кезең – электр энергиясының сапа көрсеткіштерін бақылау жүйелерін енгізу, аварияға қарсы автоматика және жиілік пен қуаттылықты реттеу жүйелерін жетілдіру», - деп қорытындылады Қ. Бозымбаев.

Қайрат Жандыбаев