Мәслихат депутаттарының босаған 58 орнына 200 қазақстандық үміткер болып отыр

«13 депутат облыстық, 9 – қалалық, 36 – аудандық мәслихаттарға сайланады.Сайлау науқанының барысында 201 кандидат ұсынылды, олардың 63-ін саяси партиялар, 138-сі өзін-өзі ұсынды»,- делінген  хабарламада.

Ұсынылған кандидаттар ішінде 154 (76,6 %) ер адам және 47 (23,4 %) әйел адам.65 кандидат Қазақстан Республикасы саяси партияларының мүшелері болып табылады, 70-і партия қатарында жоқ, 66-сы партияға тиесілілігін көрсетпеген.

Ұсынылған кандидаттардың ішінде 6 ұлттың өкілі бар.Кандидаттардың орташа жасы – 41 жас.156 (77,6%) кандидаттың жоғары білімі, 34 (16,9 %) орта арнаулы білімі және 11 (5,5%) орта білімі бар.

54,2% – мемлекеттік мекемелердің, ұйымдар мен кәсіпорындардың қызметкерлері; 35,3% – коммерциялық құрылымдардың қызметкерлері 4,5% – саяси партиялар мен ҮЕҰ қызметкерлері; 3,5% – уақытша жұмыссыз; 1,5% – жұмыс орнын көрсетпеген; 1% – зейнеткерлер.

Қазіргі уақытта мәсихаттардың шығып қалған депутаттарының орнына кандидаттарды тіркеу жалғасуда. Алматы, Атырау, Шығыс Қазақстан, Қарағанды, Қызылорда, Павлодар облыстарында тіркеу бүгін, 1 наурызда, ал Астана қаласында 10 наурызда аяқталады.