• Басты
  • Павлодар облысында жұмыспен қамтуды үйлестіру бағдарламасы аясында 3 млрд теңгеден астам қаржы бөлінді
1 Наурыз, 2017 17:59

Павлодар облысында жұмыспен қамтуды үйлестіру бағдарламасы аясында 3 млрд теңгеден астам қаржы бөлінді

Қазіргі таңда облыс бойынша 29,6 мың адам жұмыссыз және өздігімен жұмыс істейтіндер ретінде тіркелген, деп хабарлады облыс әкімдігінің баспасөз қызметі.
Павлодар облысында жұмыспен қамтуды үйлестіру бағдарламасы аясында 3 млрд теңгеден  астам қаржы  бөлінді

Облыстық жұмыспен қамтуды үйлестіру және әлеуметтік бағдарламалар басқармасының басшысы Қаппасов Балтабайдың ақпараты бойынша Бағдарламаның негізгі міндеті жұмыссыз және өздігімен жұмыс істейтін азаматтарды нәтижелі жұмыспен қамтып, тұрғындардың осы санатының табыстарын арттыру болып табылады.

Қазіргі таңда облыс бойынша 29,6 мың адам жұмыссыз және өздігімен жұмыс істейтіндер ретінде тіркелген. Бағдарламаны жүзеге асыруға 3,1 млрд теңге бөлінді. Бұл соманың 1,9 млрд теңгесі жалпы сипаттағы трансферттер болса, қалған 1,2 млрд теңге - республикалық бюджеттің қаржысы.

«Басты міндет – еңбек нарығының талаптарын қанағаттандыратын мамандар әзірлеу. Яғни, жұмысшыларды еңбек нарығында сұранысқа ие мамандықтар бойынша қысқа мерзімді курстарда және кәсіпкерлік негіздеріне оқыту, ауылдар мен қалаларда шағын несие беру ісін кеңейту, жұмыссыздар мен өздігімен жұмыспен қамтылғандардың жұмысқа  орналасуына жәрдемдесу, еңбек ресурстарының мобильділігін көтеру және жұмыспен қамту саласында бірыңғай сандық деректер базасын құру», - деді Б.Қаппасов.

Ағымдағы жылы жұмыспен қамту орталықтарының қызметі жаңа талаптардың негізінде жаңғыртудан өткізіледі. Жұмыспен қамту орталықтарының тиімділігі олардың азаматтарға көмек берудегі нәтижесі бойынша қаралып, орталық қызметкерлерінің жалақысы да осыған байланысты есептелетін болады.   

Бағдарламаның екінші бағытының координаторы – Ауыл шаруашылық басқармасы ауылдық елді мекендер мен шағын қалалардағы азаматтарға агроөнеркәсіп саласында шағын несие берумен айналысады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды