Қазақ халқына қонақжайлық пен мейірімділік үшін алғыс айтамыз – Ахметова
1 Наурыз, 2017 15:17
Қазақ халқына қонақжайлық пен мейірімділік үшін алғыс айтамыз, деді Астана қаласының өзбек этномәдени орталығының жастар қанатының төрағасы Фарангис Ахметова Алғыс айту күніне арналған ҚХА форумында.
«Бүгін 1 наурыз Елбасы аталмыш мерекені бекерден белгілеген жоқ. 1995 жылдың 1 наурызында Қазақстан халқы Ассамблеясы құрылған болатын. Алғыс айту күні – біз қазақ халқына қонақжайлық, мейірімділік үшін алғыс айтамыз. Осы уақыт аралығында әр түрлі этностар келісім мен бейбітшілікте өмір сүріп жатыр. Осы күні біз бір-бірімізге алғыс айтуымыз керек», - деді Ф.Ахметова.
Айта кетейік, Астанада Алғыс айту күніне орай Қазақстан халқы Ассамблеясының форумы өтті. Шара аясында ҚХА-ның жаңа мүшелеріне куәлік тапсырылды.Үздік журналистер мен спортшылар, қоғам қайраткерлері Ассамблея мүшесі атанды.
Ақбота Күзекбай
Фото: Арман Мұхатов
