2000 жылдан 2013 жылға дейін қазақстандықтар шетелге 61 миллион сапар жасаған – Н. Назарбаев
«Тәуелсіздіктің алғашқы күндерінде көпшілікке біздің өзекті әлеуметтік мәселелерді қашан және қалай шешетінімізді елестету қиын еді. Бүгінде Қазақстанда халықтың әл-ауқаты артып келеді, адамдардың табысы ондаған есе өсті. Қарапайым сан - 2000 жылдан 2013 жылға дейін қазақстандықтар жалпы алғанда шетелге 61 миллион туристік және іскерлік сапар жасады. Мұндай қашан болып еді?», - деді Нұрсұлтан Назарбаев.
«Осы жылдары біздің елде 46 миллионға жуық шетелдік мейман болды. Бұл біздің азаматтарымыздың әл-ауқаты жақсарып, мүмкіндіктері кеңейіп отырғанын көрсетпей ме?» - деп толықтырды Елбасы.
Мемлекет басшысы экономикалық ынтымақтастық ұйымының деректерін алға тартты. Аталмыш ұйымның мәліметі бойынша, 2012 жылы 65 мың жас қазақстандық әлемнің түрлі университеттерінде білім алып жатыр.
«Болашақ» қатысушыларын басқа, бұл – ата-аналары оқытып жатқан ондаған мың жас қазақстандықтар. Мұның барлығы қазақстандықтардың әл-ауқатының жақсаруының арқасында мүмкін болып отыр. Олар балаларын қай жерде оқытқылары келсе, сонда оқытады», - деді Елбасы.
