Фототаспа: Ақтөбе облысында 2013 жылы қолданысқа 377,5 мың шаршы метр тұрғын үй берілді

«Қолжетімді тұрғын үй – 2020» тұрғын үй құрылысы Бағдарламасы аясында 2013 жылы Ақтөбе облысы бойынша жоспарға сәйкес енгізілетін тұрғын үйлер көлемі 455,4 мың шаршы метрді құрап отыр. Жоспар бойынша тұрғын үй құрылысы республикалық бюджет қаражаты есебінен, сонымен қатар мемлекеттік емес сектордағы мекемелердің және де тұрғындардың есебінен қарастырылып отыр», - делінген хабарламада.  

11 айдың  қорытындысы бойынша жалпы ауданы 377,5 мың шаршы метр тұрғын үйлер пайдалануға берілді, бұл жоспарға 2012 жылдың сәйкес кезеңіне 106,9 пайызды құрап отыр.

2013 жылы  Ақтөбе қаласындағы «Нұр Ақтөбе» тұрғын үй массивіндегі құрылысы 2012 жылы басталған №21 В,Г,Д жалға берілетін тұрғын үйлерді іске қосу қарастырылған. Жалпы ауданы 14,8 мың шаршы метр (216 пәтер). Құрылысқа республикалық бюджеттен 700,0 млн.теңге сомасында қаражат көзделген. Ағымдағы жылдың қаңтар-қараша айларында бөлінген 630,0 млн. теңге көлеміндегі қаражаттар толығымен игерілді.