2018-2020 жылдарға арналған бюджетті дайындауда бақылау күшейтіледі – Сұлтанов

23 Ақпан, 2017 17:43

Қаржы министрі Бақыт Сұлтанов ведомствоның кеңейтілген отырысында 2017 жылға арналған басым шаралармен бөлісті.

«Биылғы жылы Елбасының Жолдауына қатысты міндеттерді нақты анықтайтын боламыз, сондай-ақ, Үкіметтің 2017 жылдың 3 ақпанында Үкімет отырысындағы талаптар қолға алынады. Біріншіден, 2018-2020 жылдарға арналған бюджетті дайындауда бақылау күшейтіледі», - деді министр.

Екіншіден, ведомство басшысы айтып өткендей, бюджет пен оны орындау үдерістерінің орындалуы қатаң бақылауға алынатын болады.

«Үшіншіден, кәсіпкерлік шығынды түсіру үшін салықтық-кеден саласында жеңілдетілген шаралар қолданылады. Бұның барлығы ақпараттық жүйені кезеңдік енгізу жолымен жүзеге асырылады. Төртіншіден, мемлекеттік сатып алу саласында заңнаманы жетілдіру бойынша шаралар жүзеге асырылады», - деді министр.

Министр 2018 жылдың соңына дейін кәсіпорындарды жекешелендіру шарасын аяқтау қажеттігін айтты.

Ақбота Күзекбай