В.Лоссерталес Астанадағы ЭКСПО көрмесіне дайындықты жоғары бағалады (ФОТО)

«ЭКСПО ұйымдастыруына жауапты адамдардың  жауапкершілігі  ұнады. Комиссарлар мен олардың отбасыларына дайындалған пәтерлер маған ұнады.  Коммуникациялар мен  қолайлы жағдай,  безендіру, қызмет көрсетудің сапасы  жоғарғы деңгейде. Ең бастысы – аталмыш үйлер көрме алаңынан алыс емес», - деді спикер.

Висенте Лоссерталес айтып өткендей,  «Астана ЭКСПО-2017» Халықаралық көрмесі соңғы 25 жылдағы үздік шара болады.

«Біз нысандарды араладық, инновациялық инфрақұрылым ғана емес, павильондардың сапасы  мен нысандарға тиесілі  мәдениет те барлық стандартқа сай болып отыр. Меніңше, бұл ЭКСПО-дағы 25 жылдық жұмысымдағы ең үздік жоба», - деді ол.

Халықаралық көрмелер бюросының  бас хатшысы  ЭКСПО-2017-ге дайындықтың жоғары деңгейін атап өтті.

«ЭКСПО-2017- ортақ жоба. Оның бюджеті өзгеріп отыруы керек. Көрмені өткізудің сапасы – жауапкершілік мәселесі. Тиімділік – көрме бағдарламасының сапасына әсер етпесе құптарлық жағдай. Бюджетті үнемдеу – салық төлеушілерге үлкен көмек, ол мемлекеттің  қаржыны дұрыс жұмсап жатқанын көрсетті», - деді В.Лоссерталес.