Т. Дүйсенова: Әлеуметтік-еңбек саласында сыбайлас жемқорлық заңбұзушылықтарына жол берілмеуі тиіс

22 Ақпан, 2017 20:09

ҚР еңбек және халықты әлеуметтік қорғау министрі Тамара Дүйсенова, ЕХӘҚМ кеңейтілген алқа отырысы қатысушыларымен секторлық кездесу өткізд, деп хабарлады ҚР Еңбек және халықты әлеуметтік қорғау министрлігінің баспасөз қызметі.

ҚР ЕХӘҚМ басшысы, мұндай келеңсіздіктердің басым бөлігі еңбекке жарамсыздық жайын анықтау мен азаматтарға мүгедектік тобын тағайындау бағыттарында байқалғанын атап өтті.

«Адамдар орталық мемлекеттік органдар мен жергілікті атқарушы органдарды ажыратып жатпайды. Оларға керегі, барлық қажетті үдерістердің заң аясында жүргізілгені. Әлеуметтік-еңбек саласында сыбайлас жемқорлыққа жол беруге болмайды! Бұл мәселе, қызмет дәрежесіне қарамастан, барлығымызға қатысты. Баршамыз іс жүзіндегі заң талаптарын бұлжытпай сақтауға тиіспіз», - деп нығарлаған Тамара Дүйсенова, әлеуметтік-еңбек саласында жіберілген жемқорлық құқықбұзушылықтар үшін басшыларға қатаң жауапкершілік жүктелетінін ескетті.

Кездесу қорытындысында, министр, кешегі ҚР ЕХӘҚМ кеңейтілген алқа отырысында алға қойған тапсырмаларды орындауға қатысты бірқатар нұсқаулар берді.