• Басты
  • Ақтөбе облысында 2017 жылдың соңына дейін 160 ауыл шаруашылығы кооперативі ұйымдастырылады
22 Ақпан, 2017 17:34

Ақтөбе облысында 2017 жылдың соңына дейін 160 ауыл шаруашылығы кооперативі ұйымдастырылады

Ақтөбе облысының әкімі Бердібек Сапарбаев есеп беру кездесуінде Мемлекет басшысы Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауында және Астанада өткен жеке кездесуінде алға қойылған мақсаттар мен тапсырмаларға тоқталды.
Ақтөбе облысында 2017 жылдың соңына дейін 160 ауыл шаруашылығы кооперативі ұйымдастырылады

«Мемлекет басшысының тапсырмаларын орындау мақсатында аймақтағы азық-түлік қауіпсіздігін қамтамасыз ету үшін өсімдік шаруашылығын дамытып, өңдеу, мал  өнімдерінің өнімділігін арттырып, сапасын жақсарту, аймақтың экспорттық әлеуетін өсіріп, ауыл шаруашылығы кешенін тұрақты дамыту бойынша жұмыстар күшейтілді», - деді облыс әкімі.

2016 жылдан бастап өңірде 1300 жеке шаруашылықтың басын біріктірген 107 ауыл шаруашылығы кооперативі құрылды. Оның ішінде 73-і ет және сүт бағытында, 28-і көпсалалы кооператив, сонымен қатар, 4 кооператив дәстүрлі емес ауыл шаруашылығы түрлерін дамытуды қолға алды, екеуі көкөніс өсіреді.  

Ауыл шаруашылығы кооперативінің техникалық мүмкіндіктерін арттыру мақсатында 2016 жылы 13 рефрижератор, 13 сүт таситын көлік, 4 тіркемелі цистерна, 2 сүт қабылдау бекетіне қаржы бөлінді. Техника шикізатты жинау және оны өңдеу кәсіпорындарына жеткізу жұмыстарын сапалы орталықтандыру жүйесіне қосуға мүмкіндік береді. Бұл қолдау жұмыстары ауыл шаруашылығы кооперативінің дамуына, олар өндіретін өнім көлемінің артуына септігін тигізеді. Сонымен қатар, ауыл шаруашылығы саласын дамыту мақсатында 2016 жылы құны 3,2 миллиард теңге болатын 25 инвестициялық жоба іске асырылды.

Айта кетейік, 2017 жылдың соңына дейін 50 ауыл шаруашылығы кооперативін құру жоспарланған. Ауыл шаруашылығы кооперативінің жүктемесін арттыру үшін кооперативтер базасы аясында қызмет көрсету-дайындау орталықтары ұйымдастырылады. Жоспарланған жұмыстар аясында 2017 жылы ет өңдеу 32 пайыздан 35 пайызға, сүт өңдеу 31 пайыздан 37 пайызға артады деп күтілуде.

Бердібек Сапарбаев өз сөзінде Ақтөбе облысы Мемлекет басшысының алға қойған аграрлық экспорттық өнім өндірісін арттыру тапсырмасын  орындауға күш салатынын атап өтті.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды