Биылғы жылы Алматы облысында 22 денсаулық сақтау нысаны салынуда
22 Ақпан, 2017 17:56
Биылғы жылы Алматы облысында жалпы құны 3,2 млрд. теңге болатын 22 денсаулық сақтау нысаны салынуда. Оның 10-ы ауылдық дәрігерлік амбулатория, 8-і фельдшерлік акушерлік пункт. Бұл туралы облыс әкімі А. Баталов тұрғындар алдындағы есеп беру жиынында айтты, деп хабарлайды Алматы облысы әкімінің баспасөз қызметі.
Мәселен, өткен жылы облыс орталығында 300 орынға арналған көп салалы аурухана ашылған болатын. Оған қоса 1,6 млрд. теңгеге 14 медициналық нысан жөндеуден өтті.
Санитарлық автокөлікпен қамту деңгейі 87 % жетіп, медициналық құралдармен жабдықталу 81 % құрады.
Сонымен қатар Талдықорған қаласында өткен жылы медицина мамандарына арналған 60 пәтерлі тұрғын үй пайдалануға берілді. Облыс әкімінің грантымен 85 студент еліміздің медициналық ЖОО-ларында оқып жатыр.
