ШҚО-ның ірі өнеркәсіптері мен ЖОО меджабдықтар жасау үшін бірігіп отыр

22 Ақпан, 2017 14:02

Шығыс Қазақстанның жоғары оқу орындарының ғылыми әлеуеті өнеркәсіптерді дамытуға жұмсалады. Ғалымдар мен студенттер жаңа өндірістерді ашу мақсатында жұмыла іс атқармақ. Осынау бірлескен жұмыс аясында медицина мен мұнай-газ өндірісі үшін титан мен танталдан әртүрлі бұйымдар дайындау ісі жолға қойылмақ.

Д. Серікбаев атындағы ШҚМТУ мен аймақтың ірі өнеркәсіп орындарының бірлескен жұмысының алғашқы қарлығашы құны 8 млрд. теңге тұратын 10 жоба болмақ. Халық алдындағы есеп беру кездесуінде облыс әкімі ғалымдардың ғылыми-зерттеу жұмыстары аймаққа не беретінін айтты.

« Нәтижесінде облыста титан және тантал өнімдерін дайындаудың жоғары технологиялық өндірістері пайда болып, медицина мен мұнай-газ саласы өнеркәсіптері үшін жоғары желілер ашылмақ, сонымен қатар, «өнімсіз» кендерді қайта тиімді өңдеп, аймақтың экологиялық жағдайын жақсартады», - деді Даниал Ахметов.

Сонымен қатар, Шығыс Қазақстанның өнеркәсіп орындарында НИОКР коммерциализациялаудың нәтижесі алынды.

Бұдан басқа бұл бағыттағы жұмыстарға «Казцинк» ЖШС, «Казминералс» ЖШС-нің « Востокцветмет» корпорациясы, «Үлбі металлургиялық зауыты» АҚ, «Өскемен титан-магний комбинаты» АҚ мен Германия, Ресей және Франциядағы серіктестер жұмылдырылып отыр.

Барлық жаңалықтар