Халықты жұмыспен қамту орталығы 150-ден астам ұйыммен ниет хаттамасын жасасты

17 Ақпан, 2017 10:58

«Елордадағы қауіпсіздік және жайлылық» жобасы бойынша кешенді жоспары аясында халықтың әлеуметтік осал топтарын жұмысқа орналастыруға көмек көрсетіледі, деп хабарлады қала әкімдігінің ресми сайты.

Осыған байланысты Астананың Халықты жұмыспен қамту орталығы қызметкерлерінің саны 50 адамнан асатын 150-ден астам ұйыммен ниет хаттамасын жасасты. Бүгінгі күнде 947 ұйымның ішінен 518-і квотаны орындау туралы хабарлама алды.

Еске салайық, жаңа ережеге сәйкес, елордалық жұмыс берушілерге қызметкерлер санына байланысты мүмкіндігі шектеулі адамдарға арналған жұмыс орындарына квота, пробация қызметінің есебінде тұрған, бас бостандығынан айыру орындарынан босаған, сонымен қатар кәмелеттік жасқа толмай ата-анасынан айырылған немесе ата-анасының қамқорлығынсыз қалған жастар қатарындағы білім беру ұйымдарының түлектері болып табылатын азаматтарды жұмысқа орналастыру үшін квоталар бекітілген.

Айта кетейік, жыл басынан бері Астананың Халықты жұмыспен қамту орталығымен мүмкіндігі шектеулі 20 адам жұмысқа орналастырылды және тағы 126-сы қоғамдық жұмысқа жіберілді.

Барлық жаңалықтар