• Басты
  • 2016 жылы ҰЕҰ 6 мыңнан астам адамға арнаулы әлеуметтік қызмет көрсетуге атсалысты
17 Ақпан, 2017 08:39

2016 жылы ҰЕҰ 6 мыңнан астам адамға арнаулы әлеуметтік қызмет көрсетуге атсалысты

Өткен жылы, арнаулы әлеуметтік қызметтерді көрсетуге мемлекеттік тапсырыс орналастырудың арқасында, елдегі ҮЕҰ, өз өмірінде қиын жағдайда қалған 6,3 мың қазақстандық азаматқа көмек көрсете алды, деп хабарлады ҚР Еңбек және халықты әлеуметтік қорғау министрлігінің баспасөз қызметі.

2016 жылы ҰЕҰ  6 мыңнан астам адамға арнаулы әлеуметтік қызмет көрсетуге атсалысты | Strategy2050.kz

Олардың арасында қарт адамдар, мүгедектер, мүгедек балалар және психоневрологиялық ауруларға шалдыққан тұлғалар, адам саудасының құрбандары бар.

Үкіметтік емес ұйымдарға мемлекеттік әлеуметтік тапсырыстар орналастыруға байланысты ағымдағы нысаналы трансферттер көлемі 2016 жылы 702,9 млн теңгені құраса, бұл соманың 679,1 млн теңгесі жартылай стационарлық және үйдегі күтімге жұмсалып, адам саудасы құрбандарын оңалтуға 23,8 млн теңге шығындалған.

 «Арнаулы әлеуметтік қызметтерді көрсетуге мемлекеттік тапсырыс орналастыру арқылы, мұқтаж жақтардың оларға қолжетімділігі артады. Егер бұл салаға ҮЕҰ тартпағанда, халықты арнаулы қызметтермен қамту үшін ондаған мемлекеттік интернат-үйлер мен өзге де арнайы мекемелер ашуға тура келер еді. Ал бұл қыруар қаржы шығыны», - дейді ҚР Еңбек және халықты әлеуметтік қорғау министрлігі Әлеуметтік қызметтер департаментінің директоры Айгүл Табергенова.

Былтыр, арнаулы қызметтер көрсету бағытында, ең көп ҮЕҰ Шығыс Қазақстан (17), Павлодар (15), Ақмола (12), Жамбыл (10) және Қарағанды (7) облыстарында жұмыс істеген. Ең аз азаматтық сектор ұйымдары Маңғыстау, Атырау және Солтүстік Қазақстан облыстарынан, біреуден ортақ іс-қимылға араласқан.

2017 жылы болса, үкіметтік емес ортаға арналған мемлекеттік әлеуметтік тапсырыс деңгейі 1 млрд 122 млн теңгені маңайламақ.

Атап өтерлік жайт, соңғы 7 жылда ҮЕҰ арқылы арнаулы қызметтердің игілігін көрген отандастарымыздың саны 4,3 есеге өскен (2009 жылғы 1,5 мың адамнан 2016 жылы 6,3 мың адамға). Ал тиісті қызметтермен қамтамасыз еткен ҮЕҰ қатары 25 есеге жоғарылаған (2009 жылғы төрттен 2026 жылы 100 ұйымға).

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды