Қазақстан Әскери-теңіз күштерінің гидрографикалық кемесі теңізге шығу құқығын растады (ФОТО)

Әр текті корабльдер жеке дивизиондар басшылығының бастамасымен экипажды ұрысқа және саяхатқа әзірлеу, сондай-ақ күнделікті қызметті ұйымдастыру мәселелері пысықталды.

«Жайық» гидрографикалық кеменің командирі капитан-лейтенант Алмас Битманов өз экипажының жауынгерлік тұрғыда және күнделікті ұйымдастыруды басшылыққа сенімді таныстырды, ал оның бағынысты жеке құрамы қызметтік міндеттерді ұйымдастыру айқындылығы мен міндеттерді ептілікпен орындауға жетік екенін көрсетті.

Нәтижесінде аталған кеме экипаждың теңізге шыққандағы міндеттер жүйесі мен құрылымын орындау даярлығын, қару-жарақтың техникалық даярлығын растап, бірінші курстық міндетті сәтті орындады. Экипаж үшін Каспий теңізінің қазақстандық секторында теңізде жүзу қауіпсіздігін қамтамасыз етуге қатысты жауынгерлік даярлықтың келесі кезеңі кешенді іс-шараларды орындай отырып теңізге шығу болып отыр.

Аталған курстық міндет корабльдің дербес даярлығы бағдарламасының маңызды бөлігі болып саналатынын, оны база жағдайында әскери және күнделікті ұйымдастырылуын, ұрысқа және саяхатқа дайындауын пысықтау жорамалданып отырғанын айта кеткен жөн. Осы тапсырмалардың орындалуы кеменің әрі қарай теңізге шығуына рұқсат алумен бірдей.